هَيْكَل — نظام موارد بشرية ورواتب

كل حاجة عن الموظف في ملف واحد: البيانات والصورة والقسم والوردية والمشروع، وسجل بكل تعديل حصل على الملف. والملف نفسه بيطلع PDF.

• وثائق بأنواعها: إقامة، هوية وطنية، جواز سفر، رخصة قيادة، تأمين، شهادات — وكل وثيقة بتاريخ انتهاء وملف مرفوع.
• عقود محددة أو غير محددة المدة، بتجديد وإنهاء، وعقد PDF.
• تنبيه يومي لفريق الموارد البشرية بالوثائق والعقود اللي قربت تنتهي أو انتهت، من غير تكرار نفس التنبيه في اليوم.
• الهيكل التنظيمي: أقسام، ورديات، مشاريع ومواقع عمل، عطل رسمية، أنواع إجازات، وأنواع بدلات.
• تفعيل وإيقاف الموظف من غير ما تمسح تاريخه.

بدل الورق ورسايل الواتساب، كل طلب بيمشي في مسار موافقات معروف، والموظف بيتابع حالته بنفسه.

• أنواع الطلبات: إجازة سنوية، مرضية، اضطرارية، بدون راتب، استئذان، سلفة، خطاب، وطلبات أخرى — بمرفقات.
• الإجازة: المشرف ← رئيس القسم ← الموارد البشرية. السلفة: المشرف ← الموارد البشرية ← المدير العام. الاستئذان: المشرف. الخطاب: الموارد البشرية.
• المرحلة اللي مالهاش معتمد بتتخطّى لوحدها بدل ما الطلب يقف.
• أرصدة الإجازات بتتولّد سنوياً، وأيام الإجازة بتتحسب أيام عمل فعلية: العطل الرسمية وأيام الراحة مش بتتخصم، فإجازة من الأحد للسبت = 5 أيام مش 7.
• تقويم إجازات، وصندوق وارد للمعتمدين بعدد الطلبات المعلّقة.
• خطابات: تعريف بالراتب، تعريف بالعمل، موجّه للبنك، أو موجّه للسفارة — بالعربي أو الإنجليزي، PDF.

الشركة بتختار دولتها في إعدادات الرواتب، والمحرك بيطبّق قواعدها. كل النسب والحدود اللي تحت قيم افتراضية تتعدّل حسب الإعدادات لما القانون يتغير.

السعودية: التأمينات الاجتماعية وملف حماية الأجور

• الأجر الخاضع = الأساسي + بدل السكن، في حدود 400 إلى 45,000 ريال.
• الموظف السعودي: 9.75% حصة الموظف و11.75% حصة صاحب العمل.
• غير السعودي: 2% أخطار مهنية على صاحب العمل بس.
• ملف حماية الأجور (WPS) بصيغة Excel أو CSV: الهوية، البنك، الآيبان، الأساسي، السكن، البدلات الأخرى، الخصومات، والصافي.

هَيْكَل مش بديل عن بوابات مُدد أو التأمينات أو قوى؛ هو بيجهّز مسير رواتب مضبوط والأرقام والملف اللي بتحتاجهم قبل ما ترفع على البنك أو المنصة الرسمية.

مصر: التأمينات الاجتماعية وضريبة كسب العمل

• الأجر التأميني في حدود 2,300 إلى 14,500 جنيه (قيم 2025، والحدود بتتحدث من الإعدادات).
• حصة العامل 11% وحصة صاحب العمل 18.75%.
• ضريبة كسب العمل بقانون 175 لسنة 2023: إعفاء شخصي 20,000 جنيه في السنة وشرائح تصاعدية، والضريبة الشهرية = السنوية ÷ 12.
• إمكانية تعليم موظف «معفى من التأمينات»، وكشف تأمينات وضريبة Excel.

باقي دول الخليج متاحة كدولة للشركة، لكن من غير خصومات نظامية محسوبة لحد دلوقتي.

• تقارير: إحصائيات الطلبات، دوران الموظفين، الوثائق والعقود المنتهية، أعداد الموظفين، والخطابات — PDF وExcel.
• أدوار وصلاحيات على مستوى كل عملية: عرض، إدارة، اعتماد، إقفال.
• الموظف بيقدّم طلباته ويشوف حضوره وقسائم راتبه من حسابه.
• سجل تدقيق بالتعديلات، ونسخة احتياطية لقاعدة البيانات من الإدارة.
• كل شركة في قاعدة بيانات منفصلة عن باقي الشركات.

لو بتقارن بين أكتر من برنامج موارد بشرية أو hr system، ابدأ من اللي بيلمس شغلك كل شهر: الحضور، والرواتب، والتأمينات، والطلبات. دي بالظبط الأجزاء اللي هَيْكَل مبني حواليها.

ولو لسه في مرحلة فهم نظام إدارة الموارد البشرية عموماً — إيه اللي لازم يكون فيه وإزاي تقارن — اقرا دليل نظام إدارة الموارد البشرية.